| 38) അബൂഹുറൈറ(റ) നിവേദനം. തിരുമേനി(സ) അരുളി: ഒരു മനുഷ്യന് ഒരു വഴിക്ക് നടന്നുപോകുമ്പോള് വഴിയില് മുള്ച്ചെടിയുടെ ഒരു കഷ്ണം കണ്ടു. ഉടനെ അതവിടെ നിന്ന് തട്ടിനീക്കി. അപ്പോള് അല്ലാഹു അവനോട് കൃതജ്ഞത പ്രകടിപ്പിച്ചു. അവന്റെ തെറ്റുകള് അല്ലാഹു പൊറുത്തുകൊടുത്തു. ശേഷം തിരുമേനി(സ) അരുളി: രക്തസാക്ഷികള് അഞ്ചു വിഭാഗക്കാരാണ്. പ്ളേഗില് മരണമടഞ്ഞവന്, അതിസാരം മൂലം മരണമടഞ്ഞവന്, വെള്ളത്തില് മുങ്ങി മരിച്ചവന്, വല്ലതും തകര്ന്ന് വീണിട്ടു അതിന്നടിയില് കിടന്ന് മരിച്ചവന്, ദൈവമാര്ഗ്ഗത്തില് സമരം ചെയ്തു മരിച്ചവന്. ശേഷം തിരുമേനി(സ) അരുളി: ബാങ്ക് വിളിച്ചാലും ആദ്യ വരിയിലുമുള്ള നന്മ മനുഷ്യര് ശരിക്കും മനസ്സിലാക്കിയിരുന്നുവെങ്കില് അതിന് നറുക്കെടുക്കേണ്ടി വന്നാല് അവര് നറുക്കെടുക്കുക തന്നെ ചെയ്യുമായിരുന്നു. തിരുമേനി(സ) അരുളി: അതുപോലെ ഉച്ചക്ക് പുറപ്പെടുന്നതിന്റെ ശ്രേഷ്ഠത അവര് ഗ്രഹിച്ചിരുന്നുവെങ്കില് അവരതിലേക്കു മുന്നിടുമായിരുന്നു. ഇശാ: നമസ്കാരത്തിലും സുബ്ഹിലുമുള്ള ശ്രേഷ്ഠത ഗ്രഹിച്ചിരുന്നുവെങ്കില് അവരതിലേക്ക് ഇഴഞ്ഞിട്ടെങ്കിലും എത്തുമായിരുന്നു. (ബുഖാരി. 1. 11. 624) |
