Related Sub Topics
Related Hadees | ഹദീസ്
Special Links
മാതാപിതാക്കളോട് നന്മ ചെയ്യണം , ഹദീസുകള്
5) ഇബ്നുഅബ്ബാസ്(റ) പറയുന്നു: ആദ്യകാലത്ത് ധനം ആണ്കുട്ടിക്കായിരുന്നു. വസ്വിയ്യത്ത് മാതാപിതാക്കള്ക്കും ശേഷം വസ്വിയത്തില് ദുര്ബ്ബലമാക്കല് ഉദ്ദേശിച്ചതു അല്ലാഹു ദുര്ബ്ബലമാക്കി. അങ്ങനെ പുരുഷന് സ്ത്രീയുടെ ഇരട്ടിയും മാതാപിതാക്കള്ക്ക് 1/6 വീതവും ഭാര്യക്ക് 1/8, 1/4, ഭര്ത്താവിന് 1/2, 1/4 ഓഹരികളും നിശ്ചയിച്ചു. (ബുഖാരി. 4. 51. 10) |
1) അബൂഹുറയ്റ(റ) വില് നിന്ന് നിവേദനം: റസൂല്(സ) പ്രസ്താവിച്ചു. ഒരൊറ്റ സന്താനവും പിതാവിനോടുള്ള കടമ നിര്വ്വഹിച്ചവനാവുകയില്ല. മറ്റൊരാളുടെ അധീനതയില് അദ്ദേഹത്തെ (പിതാവിനെ) കാണാനിടയായല് വിലക്കുവാങ്ങി മോചിപ്പിച്ചാലല്ലാതെ. (മുസ്ലിം) |
2) അബൂഹുറയ്റ(റ) വില് നിന്ന് നിവേദനം: റസൂല്(സ) പറഞ്ഞു: വാര്ദ്ധക്യം ബാധിച്ച മാതാപിതാക്കളെയോ അവരില് ഒരാളെയോ ലഭിച്ചിട്ടും സ്വര്ഗ്ഗത്തില് പ്രവേശിക്കുവാന് കഴിയാത്തവന്റെ മൂക്ക് നിലംപതിക്കട്ടെ. (മുസ്ലിം) (അഥവാ അവന് നീചനും നിന്ദ്യനുമാവട്ടെ) |
11) മാലിക്കുബ്ന് റബീഅത്തി(റ)ല് നിന്ന് നിവേദനം: പ്രവാചകസന്നിധിയില് ഞങ്ങള് ഇരിക്കുമ്പോള് ബനൂസലമത്തില് പെട്ട ഒരാള് വന്ന് പറഞ്ഞു. പ്രവാചകരെ! മാതാപിതാക്കള് മരണപ്പെട്ടതിന് ശേഷം അവര്ക്ക് ചെയ്യേണ്ട വല്ല നന്മയും എന്റെ മേല് അവശേഷിക്കുന്നുണ്ടോ? അതെ എന്ന് തിരുദൂതര് മറുപടി നല്കി. അവര്ക്കുവേണ്ടി പ്രാര്ത്ഥിക്കുകയും, അവരുടെ പാപമോചനത്തിനു വേണ്ടി ദുആ ഇരക്കുകയും, അവരുടെ വാഗ്ദത്തങ്ങള് നിറവേറ്റുകയും അവര് രണ്ടു പേരുടെയും കുടുംബങ്ങളെ സംഘടിപ്പിക്കുകയും അവരുടെ സ്നേഹിതന്മാരെ ആദരിക്കുകയും ബഹുമാനിക്കുകയും ചെയ്യുകയാണത്. (അബൂദാവൂദ്) |